葉翠翠豪擲近億購入港島豪宅區獨立屋 花園可容納巨型水池
撰文:洪曉璇
出版:更新:
近年唔少女藝人排住隊結婚生仔後,幕前工作慢慢減少,轉型做親子KOL,港姐冠軍葉翠翠算係相當成功嘅一位。2015年下嫁商人周曉東,婚後三年抱三,為咗3個小王子住得舒服啲,翠翠兩夫婦豪擲近億購入獨立屋,3000呎空間俾囝囝放電。
身為親子KOL代表人物之一,葉翠翠由懷孕到產後,不時於家中影相拍片宣傳贊助用品,從中亦能窺探佢家中陳設。去年佢地豪擲9000萬,購入位處港島大潭嘅老牌豪宅紅山半島2836呎獨立屋,阿SA蔡卓妍、容祖兒媽媽、四哥謝賢等都持有紅山半島別墅。
葉翠翠屋企以白色作主要色調,裝修唔算好豪華,但睇得出相當大,十呎樓底空間感十足,更有個大花園放得落巨型吹氣泳池,一家五口齊齊落水都好鬆動。
點擊下圖睇葉翠翠獨立屋細節:
+13