去年翠翠事業陷入低潮，被傳整容、炒股買樓及與袁彌明不和，茅頭處處指向翠翠，她說：「困難日子雖然難熬，但堅持落去總會扭轉困局，舊年反而係寶貴磨練，冇舊年嘅遭遇，都唔會有依家嘅我。」翠翠指經過去年發生的事件，令人生觀也有改變，她說：「以前覺得做嘢係最重要，依家覺得家人先係！舊年去咗英國一段時間，喺一個退休人士身上學到簡單生活先令人快樂，可能係悠悠閒去做Gym、行吓街、煮吓嘢食咁，唔再係盲目去追逐工作，當局者迷，依家退番出嚟睇，以前係迷迷哋，依家已經清醒番。」

久經「訓練」，葉翠翠不會再介懷負面報道。	葉翠翠現時認為簡單生活才是快樂泉源。	去年葉翠翠到英國旅遊，認識不少朋友，令她對生活有新的領悟！ 資料圖片

現時對於負面報道，翠翠也不會介懷：「開心最緊要，同埋有咩未畀人寫過吖？有次同媽咪去Soho食飯，畀人影咗相，以前會好介意畀人偷影，唔知會寫啲乜嘢，依家覺得冇得介懷咁多。」

埋首炮製處女傑作

此外，翠翠近半年迷上畫油畫，現時還為處女作埋頭苦幹。喜歡畫畫，除了是完成過去讀設計的心願，還可以借畫畫撫慰心靈，尋找快樂，她說：「畫畫係好開心，畫畫嘅時候可以唔使諗其他嘢，過程好快樂，依家一星期會去畫兩、三次畫。」